பள்ளிப் பருவம்

சரணாலயத்தில்
வெள்ளைச் சீருடை அணிந்த
வசந்த காலப்
பறவைகளாய்
13 வருடங்கள்
கால மாற்றத்தால்
பல தேசம் செல்வோம் - தனியாக
மீண்டும் கூடுவோம்
ஒரு சரணாலயத்தில்
வசந்தகாலப் பறவைகளாய்
நமக்கு என்றுமே
வசந்தகாலம் தான் - கூடுவதற்கு..

கன்னியின்
காதலுக்காக
காலமெல்லாம்
காத்திருந்தேன்
கன்னியும்
காத்திருந்தாள் - அவள்
காதலனைக்
கைப்பிடிக்க...

தனிமை

தனிமையான இரவுகளில்
உன் நிழல் எதிர்நோக்கி
கனவுகளில் நான் மிதந்திட - நிஜமாக
நனவில் நீ எப்போது என்னருகில்...

நட்பு வட்டத்தினுள்
நண்பர்களாய்
சில வருடங்கள்

புன்னகை தேசத்தின்
பூக்களாய் மலர்ந்து
புன்னகைத்த அந்த நாட்கள்

என் இதயப்புத்தகத்தின்
ஒவ்வொரு பக்கமும்
அவற்றை எண்ணி ஏக்கத்துடன்

மீண்டும் உங்களுடன்
கை கோர்த்து
மீண்டும் புன்னகைப்பேன்

என்றும் அந்நாளை எதிர்நோக்கி
என்றும் அன்புடன்
உங்கள் நண்பன்.

காதல்

காதல்!
உலகின் முதல் அத்தியாயம்
முத்தமிடும் இரகசியம்
அன்பு வெள்ளம் தேங்கி நிற்கும்
இதயப்பள்ளம்!!